“Thomaachayan Changaanu,
Changidippanu,
Changile Chorayaanu
Annum, Innum, Ennum”
– Angarajayathe Jimmanmaar Director Praveen Narayan
“തോമാച്ചായൻ
ചങ്കാണ്,
ചങ്കിടിപ്പാണ്,
ചങ്കിലെ ചോരയാണ്.
അന്നും, ഇന്നും, എന്നും”
-അങ്കരാജ്യത്തെ ജിമ്മന്മാരുടെ ഡയറക്ടർ പ്രവീൺ നാരായണൻ
ഒരു വൈകുന്നേരം കൂട്ടുകാരുമൊത്തു ക്രിക്കറ്റ് കളിച്ചുകൊണ്ടിരിക്കുന്നതിനിടയി ലാണ് ചങ്ങനാശേരിയിൽ നിന്ന് സിനിമ കണ്ട് മടങ്ങി വന്ന ചേട്ടന്മാരിലാരോ പറഞ്ഞു കേട്ടത്‌ അവിടെ മാർക്കറ്റിൽ സിനിമാ ഷൂട്ടിംഗ് നടക്കുന്നുണ്ടെന്നു, ഇന്നോളം കണ്ടിട്ടില്ലാത്ത ആ കാഴ്ചയൊന്നു നേരിട്ട് കാണുവാൻ വേണ്ടി തന്നെയായിരുന്നു ആരോടും പറയാതെ ആദ്യമായി സ്‌കൂളിലെ ക്‌ളാസും കട്ട് ചെയ്തു പിറ്റേദിവസം രാവിലെ തന്നെ ചങ്ങനാശേരി ചന്തയിലെത്തിയത്. അന്ന് അവിടെ ആ പതിനാലു വയസുകാരനെ വരവേറ്റത് തിങ്ങി നിറഞ്ഞ നിന്ന ആൾക്കൂട്ടവും ആർപ്പുവിളികളും മാത്രമായിരുന്നു , എന്നാൽ മനസ്സിലെ ഒടുക്കത്തെ ആഗ്രഹവും അടങ്ങാത്ത ആവേശവും ആ പയ്യനെ കൂട്ടം കൂടി നിന്നിരുന്ന ആ പുരുഷാരത്തിന്റെ ഏറ്റവും മുൻപിലെത്തിച്ചു , അവിടെ അവൻ കണ്ട ആദ്യ കാഴ്ച_ ആദ്യ_ഫ്രെയിം ചന്തയിലെ ഒരു ഇരുനില കെട്ടിടത്തിന്റെ മുകളിൽ നിന്നും താഴെ നിർത്തിയിട്ടിരുന്ന ലോറിയിലേക്കു ചാടി ഇറങ്ങുന്ന ഒരു മനുഷ്യനെയാണ്, അത് മറ്റാരുമായിരുന്നില്ല “മോഹൻലാലായിരുന്നു,
ആടുതോമയായിരുന്നു “ചുറ്റുപാടും ഉള്ള ആർപ്പുവിളികൾക്കും, കരഘോഷങ്ങൾ ക്കുമിടയിൽ അന്തം വിട്ടു വായും പൊളിച്ചു നിന്ന ആ പയ്യന്റെ ഹൃദയത്തിലേക്കായിരുന്നു സത്യത്തിൽ അന്ന് തോമാച്ചായൻ എടുത്തു ചാടിയത് .എന്നാൽ പിന്നെയും മാസങ്ങൾ പലതു കഴിഞ്ഞതിനു ശേഷമാണ് പ്രേക്ഷകർ ‘സ്‌ഫടികവും’ തോമാച്ചായനെയും കാണുന്നതും, നെഞ്ചിലേറ്റുന്നതും
കാലങ്ങൾ കടന്നു പോയി…….
ആ പതിനാലു വയസ്സുകാരൻ ജീവിതത്തിന്റെ പല വഴികളിലൂടെ സഞ്ചരിച്ചിട്ടും അവസാനം അവിടെത്തന്നെ എത്തിച്ചേർന്നു , എവിടെ എത്തിച്ചേരരുതെന്ന് വീട്ടുകാർ ഉപദേശിച്ചുവോ അവിടെത്തന്നെ !!!!!
23 വർഷങ്ങൾക്കു മുന്നേ ആദ്യമായി നേരിൽക്കണ്ട ആ അത്ഭുത കാഴ്ച നൽകിയ ആവേശം മാത്രമായിരുന്നു കൈ മുതൽ അത് കൊണ്ട് തന്നെ അത് സമ്മാനിച്ച എന്റെ തോമാച്ചായനും ആ മഹാനടനും ഒരു #Tribute നൽകണമെന്ന് മനസിൽ ഉണ്ടായിരുന്നു അതിനു വേണ്ടി തന്നെയാണ് ജൂനിയർ തോമയെ (Roopesh Peethambaran) ഒപ്പം കൂട്ടിയതും.
ഇത് മാത്രമാണ് ഈ ടീസറിലൂടെ ചെയ്തിരിക്കുന്നത് , അതിനെ നെഞ്ചിലേറ്റുകയും, അഭിനന്ദിക്കുകയും , വിമർശിക്കുകയും ചെയ്ത എല്ലാവർക്കും തോമാച്ചായൻ കുടിയിരിക്കുന്ന എന്റെ ഹൃദയത്തിൽ നിന്ന് ഒരായിരം നന്ദി…
Special Teaser
